Uko wahagera

Somaliya: Umuririmvyikazi w'Umushingamateka Yarishwe i Mogadisho


Abarwanyi b'umurwi al-Shabab
Abarwanyi b'umurwi al-Shabab

Umuririmvyikazi azwi cane w’umunya Somalia, Saado Ali Warsame, yari kandi umushingamateka, yarishwe n’abarwanyi b’aba Islamu.

Umurwi w’abarwanyi, al-Shabab, wariyitiriye iyicwa rya Warsame, yarashwe ku musi wa gatatu, hanze y’ihoteri Ambassador, ku murwa mukuru wa Somalia, Mogadisho.

Icabona yabwiye Ijwi rya Amerika, Service y’Igisomali, kw’abantu bitwaje ibirwanisho bari mu modoka barashe, Saado Ali Warsame, incuro zitari nke, mu gikiriza, hanyuma baca barazimangana.

Umushikiranganji wa mbere wa Somalia, Abdiweli Sheikh Ahmed, yariyamirije yivuye inyuma iyicwa rya Warsame.

Warsame yari umuririmvyikazi yari azwi neza, yahoze aba mu gisagara ca Minneapolis, muri Reta Zunze Ubumwe za Amerika.

Warsame yarasubiye muri Somalia, mu mwaka w’2012, aba umwe mu bapfasoni, bari ku rushi, bari mu nama nshingamateka nshasha ya Somalia.

Abaye umushingamateka agira kane yishwe n’umurwi al-Shabab, muri uyu mwaka.

Umurwi al-Shabab, wariyitiriye iraswa ry’umushingamateka, Mohamed Mohamud Hayd, mu ntango z’uku kwezi, n’iyicwa ry’abandi bashingamateka babiri, mu kwezi kwa kane.

XS
SM
MD
LG